Akaunti za benki za Ezekiel Odero kuendelea kudhibitiwa

Mahakama Kuu ya Mombasa imetupilia mbali ombi la mhubiri Ezekiel Odero la kutaka kubatilisha uamuzi wa Mahakama ya Milimani mjini Nairobi, uamuzi ambao ulifunga akaunti zake zote za benki.

Akitoa uamuzi huo Jaji Olga Sewe amesema hana uwezo wala mamlaka ya kuingilia kesi zinazoendelea katika Mahakama za Nairobi akiwa Mombasa, kwani si eneo lake la kikazi.