Raila alalamikia wanahabari kuzuiwa kuingia Shakahola

Kinara wa Chama cha Azimio Raila Odinga amelalamikia vikali kuzuiwa kwa wanahabari kufuatilia moja kwa moja uchunguzi na ufukuzi wa mili unaofanyika kwenye eneo la Shakahola katika Kaunti ya Kilifi.

Akizungumza kwenye eneo la Kibra muda mfupi baada ya kurejea nchini kutoka Dubai, Raila amekitaja kisa cha Shakahola kuwa kisa ambacho kinahitaji kuangaziwa zaidi kwani hakijawahi kushuhudiwa katika historia.