Radio Maisha yatuzwa kuwa chaguo la wananchi!

Kwa miaka kadhaa sasa, kituo ukipendacho cha Radio Maisha kimezidi kutamba, kutaratamba na kutawala tasnia ya utangazaji. Sawa na mwaka jana, mamilioni ya Wakenya wamepiga kura kupitia shughuli iliyosimamiwa na Mamlaka ya Mawasiliano, CA na kuichagua Radio Maisha kuwa namba moja kote nchini, chaguo la wananchi.

Kilichofuata ni vigelegele, tabasamu,mwendo wa jiwa na minenguo ya viuno kutoka kwa kikosi cha Radio Maisha kikiongozwa na Mkuu wa kituo hiki, Tom Jappani hadi jukwaani kupokea kombe la ushindi. Aidha Radio Maisha ilituzwa kuwa nambari mbili nchini kwa habari za kuaminika.