Serikali imetenga kima cha shilingi bilioni 3 zitakazotumiwa kuboresha kilimo cha kahawa

Serikali imetenga kima cha shilingi bilioni 3 zitakazotumiwa kuboresha kilimo cha kahawa nchini. Akihutubu wakati wa Kongomano la Kimataifa la Kahawa linaloendelea katika Ukumbi wa KICC, jijini Nairobi, Rais Uhuru Kenyatta amesema mpango huo utaimarisha pakubwa ukuzaji wa zao hilo ambao umedidimia kwa muda.

Rais aidha amekitaja kilimo cha kahawa kuwa tengemeo kuu kwa familia nyingi hivyo kuwapo kwa haja ya kukiboresha.