Mageuzi ya elimu ya chekechea yaanza kuzaa matunda Mombasa

Gavana wa Mombasa Abdulswamad Shariff Nassir akiongoza shughuli ya ugavi wa chakula kwa watoto wa chekechekea. [Robert Menza, Standard]

Serikali ya Kaunti ya Mombasa imeimarisha juhudi zake za kuboresha elimu ya chekechea (ECDE) kwa kuwekeza katika lishe shuleni, ajira ya walimu na uboreshaji wa miundombinu, hatua ambazo zimeanza kuleta mabadiliko chanya kwa maelfu ya watoto kote kaunti hiyo.

Kupitia mpango wa lishe shuleni unaotekelezwa bila malipo, zaidi ya watoto 12,000 wanaosoma katika vituo vya ECDE wananufaika na chakula cha kila siku. Wadadau wa elimu wanasema mpango huo umeongeza mahudhurio ya wanafunzi na kupunguza visa vya utoro, hasa katika maeneo yenye familia zisizojiweza.