Kiunjuri asutwa kwa kuchelewa kuwasilisha ripoti ya jopo lililoteuliwa na Rais

Naibu mwenyekiti wa jopo liloteuliwa na Rais Uhuru Kenyatta,  kushughulikia changamoto za wakulima  wa mahindi Patrick Khaemba amemsuta mwenyekiti wa jopo hilo ambaye pia ni Waziri wa Kilimo,  Mwangi Kiunjuri kwa kuchelewa kuwasilisha  ripoti ya jopo hilo kwa Rais Kenyatta.

Khaemba ambaye  ni Gavana wa Kaunti ya Trans Nzoia, amesema wakulima ambao wanaendelea kuyatayarisha mashamba yao tayari kwa upanzi wamejipata kwenye  njia panda wasijue mstakabali wa sekta hiyo ya kilimo.