Serikali yalaumiwa pakubwa kufuatia uhaba wa chakula kwenye kaunti 13.

Serikali imelaumiwa kufuatia uhaba wa chakula kwenye kaunti 13 ambazo zinakumbwa na ukame nchini. Baadhi ya wabunge wakiongozwa na Kiongozi wa Wachache katika Bunge la Kitaifa, John Mbadi aidha wamewasuta maafisa wa Mamlaka ya Kukabili Majanga Nchini kwa kudai kwamba hakuna watu ambao wameaga dunia kutokana na makali ya njaa.

Wakizungumza kwenye vikao vya Jumanne alasiri, wabunge hao aidha wameitaka serikali kuhakikisha wanawasambazia waathiriwa vyakula vingine kando na mahindi.