Ruto asema kampuni ambazo haziweki wazi rekodi za kandarasi zitawajibishwa

Naibu wa Rais, William Ruto amemwagiza Waziri wa Fedha, Henry Rotich kuhakikisha majina ya idara zote za serikali ambazo hazijatimiza agizo la Rais Uhuru Kenyatta la kuweka wazi taarifa kuhusu kandarasi zinazotolewa na idara hizo, yanawasilishwa kwa Mkuu wa Utumishi wa Umma kwa kipindi cha siku thelathini zijazo.

Akihutubu wakati wa kongamano la kufanikisha mipango mbalimbali ya serikali linaloendelea jijini Nairobi, Ruto amesema agizo hilo lilitolewa kufuatia lengo la serikali kudumisha uwazi kuhusu namna inavyotekeleza miradi yake na ni sharti liheshimiwe.