Twalib Mbarak atarajiwa kuapishwa rasmi kuanza kuhudumu katika EACC

Afisa Mkuu Mtendaji wa Tume ya Maadili na Kukabili Ufisadi, EACC, Twalib Mbarak leo hii anatarajiwa kuapishwa rasmi kuanza majukumu yake katika tume hiyo. Jaji Mkuu, David Maraga ataongoza uapisho huo katika Mahakama ya Juu.

Kuapishwa kwake kunajiri baada ya Bunge la Kitaifa mwaka uliopita kuidhinisha uteuzi wake. Mbarak anachukua hatamu za uongozi kutoka kwa Halakhe Waqo ambaye muda wake wa kuhudumu ulikamilika.