Rais Ruto awaagiza polisi kupanda miche ili kulinda mazingira

Rais William Ruto amewataka maafisa wa polisi nchini kupiga jeki kampeni ya upanzi wa miche ili kukabili athari za mabadiliko ya hali ya anga.

Akizungumza katika hafla ya kufuzu kwa makurutu katika Chuo cha Mafunzo ya Polisi wa Utawala AP bewa la Embakasi, rais ameeleza haja ya Idara vya Polisi kushirikiana na taasisi nyingine za serikali katyika uhifadhi wa mazingira.