Watu zaidi ya 90 wafariki kufuatia mlipuko wa bomu, Somalia

Idadi ya watu ambao wamefariki dunia kufuatia mlipuko wa bomu la kutegwa garini nchini Somalia imefika watu tisini. Kwa mujibu wa taarifa kutoka kwa maafisa wa serikali nchini humo ni kwamba, watu wengine zaidi ya sitini wamejeruhiwa katika mlipuko huo uliotokea viungani mwa Jiji la Mogadishu. 

Mmoja wa wabunge nchini humo kwa jina Abdirazak Mohammed amesema miongoni mwa waliouliwa ni maafisa kumi na saba wa polisi,  na raia wanne wa taifa la  Uturuki. Aidha basi lililokuwa na wanafunzi zaidi ya ishirini wa Chuo Kikuu cha Benadir limeharibiwa huku wanafunzi kadhaa wakifariki dunia.