Sehemu ya barabara ya Mombasa na Nairobi yafungwa eneo la Athi River kwa ukarabati

Msongamano mkubwa wa magari umeshuhudiwa kwenye barabara kuu ya Mombasa-Nairobi kufuatia kufungwa kwa sehemu ya barabara hiyo katika daraja la Mto Mawe eneo la Athi River kufuatia ukarabati unaoendelezwa.

Kwa mujibu wa OCPD wa Machakos Joseph Tenai, wahandisi wa kampuni ya kukarabati barabara ya Uchina wanaendelea kukarabati sehemu ya daraja hilo, na kuwashauri wamiliki wa magari madogo kutumia barabara ya Kangundo-Machakos.