IEBC yaansa kumtafuta Afisa Mkuu Mtendaji mpya

Tume ya Uchaguzi, IEBC imetangaza nafasi ya Afisa Mkuu Mtendaji kuwa wazi huku ikiwashauri Wakenya kutuma barua za maombi ya kazi. Tangazo hilo linawashauri Wakenya kutuma maombi kati ya leo na tarehe tatu mwezi ujao.

Nafasi hiyo iliachwa wazi baada ya aliyekuwa Afisa Mkuu Mtendaji katika tume hiyo, Ezra Chiloba kufutwa kazi baada ya kusimamishwa kazi kuanzia mwezi Aprili mwaka jana.