Mahakama yaendelea kulaumiwa kwa kulemaza vita dhidi ya ufisadi

Inasubiriwa kuona iwapo idara ya mahakama itabadili mtindo wake wa kuwaachilia kwa dhamana washukiwa wakuu wa ufisadi baada ya vitengo mbalimbali vya serikali kuilaumu idara hiyo kwa kulemaza vita dhidi ya ufisadi kupitia maamuzi mbalimbali inayofanya ya kuwaachilia kwa dhamama washukiwa. Akihutubu wakati wa kongamano la kukabili ufisadi jijini Nairobi, Mwanasheria Mkuu wa Serikali, Paul Kihara alisema baadhi ya maamuzi ambayo yamekuwa yakifanya na mahakama ni ya kustaajabisha.

Kauli sawa na hiyo ilitolewa na Mkuu wa Idara ya Upelelezi, DCI George Kinoti ambaye alisema kuwa maagizo mengine yakuzipinga kesi mbalimbali yamekuwa yakitolewa hata kabla ya kesi zenyewe kupiga hatua kubwa.