Shughuli zimesitishwa katika Shirika la NYS kufuatia hofu ya Korona

Shughuli za kawaida zimesitishwa katika Shirika la Kutoa Huduma za Vijana, NYS huku wanafunzi wakiagizwa kutoendelea na utaratibu wa kawaida wa masomo katika juhudi za kukabili maambukizi ya Virusi vya Korona.

Taasisi zote za kutoa mafunzo kwa vijana wa NYS zimeagizwa kusitisha shughuli za kawaida huku wakufunzi na wanafunzi wakiagizwa kusalia katika vitengo vyao na kujiepusha kutangamana. Aidha, wameagizwa kuzingatia usafi miongoni mwao vilevile katika kambi wanaozishi.