Mwalirejesha Nyuma Taifa

Maafisa wa polisi

Uchumi wetu mwafilisi

Wa ufisadi wahandisi

Mwalirejesha nyuma taifa

 

Polisi wa trafiki

Hakika metudhihaki

Safarini hatufiki

Mwalirejesha nyuma taifa

 

Vituo vingi barabarani

Vya ufisadi kwa yakini

Noti zakunjwa, zatupwa chini

Mwalirejesha nyuma taifa

 

Madereva na utingo

Wamechoshwa na hongo

Mewazoesha ndio mtindo

Mwalirejesha nyuma taifa

 

Maisha ya wasafiri

Yamo kwenye hatari

Hamuyapekui magari

Mwalirejesha nyuma taifa

 

Mabarabarani mejaa ajali

Mwajibanza na vitambi hamjali

Mepuuza ya barabara hali

Mwalirejesha nyuma taifa

 

Toshekeni na zenu ajira

Wananchi wamejawa hasira

Mewapunguzia mishahara

Mwalirejesha nyuma taifa

 

Kasha mwasema mwaonewa

Eti heshima mmekosa kupewa

Tendeni yalo haki na sawa

Mwalirejesha nyuma taifa

 

Muweni vyombo vya Amani

Wajibikeni mabarabarani

Saidieni kuangamiza ufisadi nchini

Tuiendeleze taifa