JUBILEE CHATOA VYETI ZAIDI HUKU WALIONYIMWA WAKILALAMIKA

Na Sophia Chinyezi

Chama cha Jubilee leo kimeendeleza shughuli ya kuwakabidhi vyeti washindi wa uteuzi wa chama hicho katika maeneo mbalimbali nchini. Katika Kaunti ya Mombasa Shughuli hiyo ilikumbwa na utata baada ya chama hicho kukataa kutoa cheti kwa muwaniaji wa ubunge Nyali. Wawaniaji wa Kiti hicho Mohamed Salim maarufu Tenge na Omar Shallo, wote walitaka kukabidhiwa cheti, ingawa tangazo lilitolewa kwamba kulikuwapo na hitilafu, hivyo cheti hicho hakingeweza kutolewa.