Rais Kenyatta awasuta wafanyakazi wa umma wanaogoma kila mara wakitaka mishahara

Rais Uhuru Kenyatta amewasuta vikali wafanyakazi wa umma wanaogoma kila mwaka kutaka nyongeza ya mshahara na marupurupu bila kujali maslahi ya mkenya mlipa kodi. Rais ambaye amewaongoza viongozi kadhaa akiwamo naibu wake William Ruto na Kinara wa ODM Raila Odinga badala yake ametaka washikadau katika sekta ya afya kushirikiana zaidi ili kufanikisha ajenda ya afya bora kwa wote.

Akizungumza kwenye Kaunti ya Kisii, Rais aidha amewataka wauguzi wanaogoma kurejea kazini mara moja huku akisisitiza kauli yake kwamba hakuna pesa za kuwalipa.