Muungano wa kisiasa wa nasa hatimaye umesambaratika, baada ya vyama vitatu kati ya vinne vilivyobuni muungano huo kuwasilisha rasmi barua ya kuuvunja muungano huo katika afisi ya msajili wa vyama. Viongozi wa vyama hivyo Musalia Mudavadi wa ANC, Kalonzo Musyoka wa Wiper na Moses Wetangula wa Ford Kenya wamesema sasa wamejiunga rasmi na muungano mpya wa One Kenya Alliance na kwamba hawana pingamizi zozote kufanya kazi tena na kiongozi wa ODM Raila Odinga.