Tukiangazia masuala ya maambukizi ya virusi vya Korona hapa nchini, chini ya saa ishirini na nne, watu mia tisa hamsini na saba wameambukizwa virusi hivi kutoka sampuli ya watu elfu tano, mia tano hamsini na tisa. Idadi ya maambukizi sasa imefikia elfu sabini na mbili, mia sita themanini na sita. Watu elfu mbili mia sita kumi na sita wamepona, huku elfu mbili mia nne thelathini na wanne wakiwa waliopata matibabu nyumbani ilhali mia moja themanini na wawili ni waliopata matibabu hospitalini. watu kumi na mmoja wamefariki na kufikisha idadi ya vifo kuwa elfu moja mia tatu kumi na tatu.