Chama cha KANU kimesema kitaanzisha uchunguzi wa kina kuhusu uchaguzi mdogo wa Kericho huku kikidai kwamba ulikumbwa na visa vya udanganyifu mwingi. Katibu mkuu wa KANU Nick Salat, amesema kwamba udanganyifu ulioshuhudiwa kwenye uchaguzi huo wa jana unaonyesha jinsi uchaguzi mkuu wa mwaka ujao utakavyotatizwa na serikali ya Jubilee. Msimamo wa KANU umetolewa saa chache baada ya washindi kwenye uchaguzi kupewa vyeti Kericho na Malindi.