Shule ya upili ya maranda imefungwa na wanafunzi wake kuruhusiwa kwenda nyumbani baada ya moto kuchoma bweni katika shule hiyo kwa mara ya pili wiki hii.moto huo wa mapema leo ulitokea mwendo wa saa kumi na moja asubuhi wakati wanafunzi walipokuwa madarasani wakijisomea kufuatia mgomo wa waalimu . Ni hali iliyozua wasiwasi miongoni mwa wazazi wa wanafunzi wa shule hiyo hasa baada ya kubainika kuwa moto wa leo uliwashwa kimakusudi na watu wasiojulikana waliojifanya kuwa wanafunzi wa shule hiyo inayofahamika kwa kuwa bora zaidi katika mtihani wa kitaifa.