Watu wawili wakamatwa na Misokoto ya bangi Shanzu

Maafisa wa Polisi wanawazulia watu wawili waliokamatwa katika Eneo la Shanzu Kaunti ya Mombasa wakiwa na misokoto ya bangi. Kamanda wa Polisi kwenye kaunti hiyo, Johnson Ipara amesema wawili hao walikamatwa kwenye msako ulioendeshwa katika eneo hilo mapema leo kuwanasa walangunzi na wafanyabiashara wa dawa za kulevya.

Amesema wawili hao Cynthia Achieng na Frederick Ogutu walikuwa wameisafirisha misokoto hiyo yenye thamani ya shilingi elfu 682, 000 kutoka Kaunti ya Migori na walikuwa wanalenga kuiuza kwenye Kaunti za Mombasa, Kilifi na Kwale.