Licha ya kulazimika kuwa nje ya darasa kwa mwaka mmoja kutokana na saratani iliyomlemaza misuli ,mvulana mmoja mwenye umri wa miaka kumi na sita kutoka shule ya msingi ya Lugulu iliyoko eneo bunge la butula kaunti ya busia alifanikiwa kujizolea alama mia tatu tisini na sita kwenye mtihani wa kcpe mwaka huu. Hata hivyo huenda mwanafunzi huyo sasa akapoteza nafasi yake ya kujiunga na shule ya sekondari ya maranda kwani hana uwezo wa kulipia matibabu yake ya radiotherapy. Alpha okoth ambaye ndoto yake ni kuwa daktari alipatikana kuwa na saratani aina ya burkitts lymaphoma mwaka uliopita na kulazimika kuacha shule ili kutafuta matibabu. Ila hali ngumu ya maisha inasababisha kudidimia kwa ndoto yake ya kupona na kuafikia malengo yake maishani.