Katibu wa Muungano wa Wafanyikazi COTU Francis Atwoli amesisitiza lazima kutakuwepo na mabadiliko ya kikatiba kabla ya uchaguzi wa mwaka 2022. Mabadiliko hayo yataleta usawa wa kiuongozi na  kusuluhisha changamoto na mizozo  ya kisiasa ambayo imekuwa ikishuhudiwa. Aliyasema hayo katika hafla ya mahafala ya chuo cha masinde muliro  alipotuzwa na shahada kutokana na juhudi zake za kuleta hamasa kuhusu harakati za wafanyikazi nchini.