×
x Digital News Videos Opinions Cartoons Education U-Report E-Paper Lifestyle & Entertainment Nairobian SDE Eve Woman Travelog TV Stations KTN Home KTN News BTV KTN Farmers TV Radio Stations Radio Maisha Spice FM Vybez Radio Enterprise VAS E-Learning Digger Classified The Standard Group Corporate Contact Us Rate Card Vacancies DCX O.M Portal Corporate Email RMS
Login ×

IEBC yajitetea dhidi ya madai kwamba inalemaza shughuli ya kuthibitisha saini

IEBC yajitetea dhidi ya madai kwamba inalemaza shughuli ya kuthibitisha saini

Tume ya Uchaguzi IEBC imejitetea dhidi ya madai yaliyoibuliwa Kamati ya Kiufundi ya Mpango wa BBI kwamba inajikokota katika kuthibitisha saini ilizowasilisha kwake, ili kufanikisha kufanyika kwa kura ya maamuzi.

Katika taarifa kwa vyombo vya habari Mwenyekiti wa IEBC Wafula Chebukati amesema shughuli ya kuthibitisha saini hizo imeanza katika ukumbi wa Bomas.

Chebukati amesema IEBC imekodi eneo hilo rasmi kwa shughuli hiyo na kwamba ina vifaa vya kutosha kinyume na ilivyodaiwa na kamati hiyo ikiongozwa na Mbunge wa Suna Junet Mohamed. Amesema japo kumekuwapo na changamoto ya mtandao haijaathiri shughuli nzima.

Ameahidi kwamba shughuli hiyo itakamilika haraka iwezekanavyo.

Taarifa hii imejiri siku moja tu baada ya Kamati hiyo kutoa makataa ya siku kumi na sita kwa IEBC kukamilisha mara moja shughuli za kuthibitisha saini hizo.

Junet alidai kuwa kufikia Ijumaa wiki iliyopita, takriban saini elfu mia tano arubaini pekee zilikuwa zimethibitishwa na makarani wa tume. 

Share this: