array(0) { } Radio Maisha | Zaidi ya vijana milioni 1.5 wenye virusi vya HIV wanaishi Afrika
×
x Digital News Videos Opinions Cartoons Education U-Report E-Paper Lifestyle & Entertainment Nairobian SDE Eve Woman Travelog TV Stations KTN Home KTN News BTV KTN Farmers TV Radio Stations Radio Maisha Spice FM Vybez Radio Enterprise VAS E-Learning Digger Classified The Standard Group Corporate Contact Us Rate Card Vacancies DCX O.M Portal Corporate Email RMS
×

Zaidi ya vijana milioni 1.5 wenye virusi vya HIV wanaishi Afrika

Zaidi ya vijana milioni 1.5 wenye virusi vya HIV wanaishi Afrika

Na Rosa Agutu,

NAIROBI, KENYA,

Kenya ikijitaraisha kujiunga na mataifa mengine kuadhimisha siku ya UKIMWI Duniani tarehe 1 Desemba, mikakati mbalimbali inazidi kuweka kuukabili ugonjwa huo. Katika ripoti iliyotolewa na Shirika la Afya Duniani kwa ushirikiano na Shirika la NASCOP zaidi ya vijna milioni 1.5 wenye virusi vya HIV wanaishi Afrika. Vilevile mwaka 2018 vijana 157,000 waliambukizwa virusi vya HIV, miongoni mwao asimilia 82 walikuwa wasichana.

Kwa Mujibu wa daktari Catherine Ngugi, wa shirika hilo la NASCOP vijana wengi wamelalamikia huduma duni za afya wanapokwenda kupimwa au kuchukua dawa za kupunguza makali ya virusi hivyo ARV's. Hivyo kwa ushirikiano na Wizara ya Afya pamoja na Wizara ya Elimu mikakati imewekwa kupunguza unyanyapaa shuleni na katika vituo vya afya.

Vilevile akizungumzia mfumo mpya wa kujipima mwenyewe ukiwa nyumbani, hasa unaolenga vijana, daktari Ngungi amesema kufikia sasa vijana wengi wamekumbatia mfumo huo ambao una nambari za wataalam wa ushauri nasaha ukijipima kisha upate una virusi vya HIV.

Vilevile wamegusia Malengo 90-90-90 ulioanzishwa na Shirika la Kimataifa la Kushughulikia Maambukizi ya UKWIMI UN-AIDS. Mpango huo unalenga kwamba kufikia mwaka 2030, mataifa yote duniani yahakikishe asimilia 90 ya walio na virusi vya HIV wanajua hali zao, asilimia 90 wapate dawa za ARV'S na makali ya HIV yapunguzwe kwa asilimia 90 miongoni mwa waathiriwa.