array(0) { } Radio Maisha | Kijana wa umri wa miaka saba auliwa Matungu

Kijana wa umri wa miaka saba auliwa Matungu

Kijana wa umri wa miaka saba auliwa Matungu

Kijana wa umri wa miaka saba ameuliwa kwa kudungwa kisu na watu wasiojulikana kwenye eneo la Matungu Kaunti ya Kakamega.

Inaarifiwa marehemu ambaye ni mwanafunzi wa Shule ya Bulimbo Star Academy ameuliwa nyumbani kwao kwa kudungwa kisu kiunoni mara kadhaa. Polisi wameanzisha uchunguzi kufuatia kisa hicho ambacho kimefanyika huku oparesheni ikiendelea kuwanasa washukiwa wa mauaji ambayo yamekuwa yakitekelezwa eneo hilo.

Tayari watu 20 wameuliwa kwa muda wa miezi miwili huku wengine zaidi ya hamsini wakijeruhiwa.

Maeneo ambayo yameathirika zaidi na visa hivyo ni Mayoni, Lubanga, Mung'ungu, Munami, Ejinja, Ogalo, Lung’anyiro, Harambee, Sayangwe na Koyonzo.

Haya yanajiri huku  Seneta wa kaunti hiyo Cleopas Malala, aliyekuwa Waziri wa Michezo Rashid Echesa, Mbunge wa Matungu Justus Murunga na Mwakilishi wa Wadi ya Mayoni Libinus Oduor wakiagizwa kuripoti katika idara ya polisi kwa kuhusishwa na mauaji hayo.